Хин кIоага чура, етт арабаьккхар МЧС болхлоша
19.07.2024 09:41
БIеха хиш lайнача боккхача кIоаг чу бежа етт арабоаккхаш баьхкар, ППО «Эрше» яхача оагIон къахьегамхой. Из хоам «Сердалога» бир мехкарча МЧС болхлоша.
«112 оагIонга телефон техача вахархочо хоам бир, Шолжа-Шахьарерча Харланова оалача урам тIа боаллача, бIеха хиш чуухача кIоаг чу бежан Iочудежад, аьнна. Цу моттиге сиха хьакхаьчача «Эрше» яхача тоабан оарцагIъухараша автокранаца арабаьккхар кхерабенна етт», - йоах хоамо.
Белгалде деза, вай МЧС болхлоша хьайбаш цхьацца хатарех кIалхардоахаш моттигаш каст-каста нийслулга. Шоай болх дика бовзача, декхараш дизза кхоачашде Iемача цу наха дер хам баь варгвоацаш да. Бахархошта кердадоаккх: оарцагIъухарий цаI йола номер - «112».
