Молочанска гӀо деш ба вай мехкара болхлой
19.06.2025 11:08
Молочанскера йохаяь моттигаш меттаоттаеш ба вайцигара къахьегамхой. «КӀадарг» яхача берий беша балхаш дӀахьош ба уж карарча хана. Из хоам «Сердалога» бир гӀишлошъяра балхех йолча министерствос.
ЛаьрххӀача программага гӀолла болх дӀахьош, берашта коа салоӀаш дагӀа аьнна яь хинна тиша отара кӀалхе йохаяь, цунна когаметта кхыяр хьаеш боахк болхлой.
«КӀадарг» яха берий беш цу моттигерча бахархошта чӀоагӀа лоархӀаме моттиг я. ЙӀайха ха латтача хана, берашта арадаьнна ловза, ди дӀадахьа хоза, паргӀата моттиг хургья цох», - йоах тхога бенача хоамо.
