Баркал хилда шоана, дика лораш!
15.10.2024 12:20
Хьамсара «Сердало» газета редакци, доккха баркал ала лов сона хьога гӀолла, унахошка чӀоагӀа дика хьожаш волча МагӀалбикерча дарбанчен керттерча лора Бузуртанаькъан Х. Ю., дарба деча лора Пхьилекъонгий Д. Э., иштта цу чурча кхыболча болхлошта. Бехктокхаме шоай болх дӀахьош хиларах, Даьла раьза хилва шоана! Иразе, маьрша дахалда шо!
УнахцӀенон гӀулакхех йолча Министерствога дехар да са, МагӀалбика кхален дарбанчера неврологически лазарашта, берашта дарба деш йола моттигаш йоккхагӀа хургйолаш болх бе, аьнна.
Шо лархӀарца Заьзгакъонгий-Юртара вахархо Баденаькъан Башир.
