Гӏалгӏайчен «Даьхен лорабой» ганза болхлой бахар къоаной болча
Къоаной Халкъашта юкъера ди вай мехка дездеш да, ардара бетта 1-ча дийнахьа. Цунца дувзаденна «Даьхен лорабой ганза гӏалгӏай филиала викалаш бахар къоаной терко е лаьрхӏа, аьлар «Сердало» газетага цигарча зарбан болх лелабераша.
«Даьхен лорабой» ганза филиала вахарца дувзаденнача дешаех бола болх лелабу Къоастой Хьамид, иштта Магӏалбика депутатий шахьара кхела председатель Йовлой ӏусман бахар Лаьрххӏа йола тӏема операци дӏахьош веннача капитана Мержой Салама нана йолча.
Из йоккха хиларца болча лерхӏама, магар миштад а хаьттар цар, цунна сомий, мерзача даарий тускар а делар. Юнуса Хьанифас дийцар шийна хьалхашка нийслуча кхоачамбоацарех, ший виӏий берех.
Ший воӏ венначул тӏехьагӏа, цун берашца дӏаӏехалуш яхар да ший, яхаш, дийцар бӏухочун нанас, иштта ганзо а терко йоацаш йитац из.
