«Из  йоккха, лоархӀаме  кхетаче дӀахьош, дийцар гӀишлошъяра даькъ тӀа таьрахьий  технологеш юкъеяхарах. Цун доакъашхоша белгалдир, цаӀ йола  таьрахьий таро юкъеяккхаро, гӀишлонхошта юкъера балха хьал тоадергхилар», - йоах хоамо.

Керттера терко тӀаяхийтар мехка таьрахьий таронаш юкъеяхарца,  дӀахьош болча балха дикал а  лакхъергхилара, подрядни организацеша дӀахьош бола болх цӀена а къайле йоацаш а хургхилара.

«Вайна хӀанз латтар  гӀишлошъяра керда зама я,  ер сесси яьнначул тӀехьагӀа  деш дар, бӀарчча къахьегама дакъа дегӀадара накъадоалаш  хила йиш я», - аьлар Евкуранаькъан М.,  цу кхетаченах шийна хетар дувцаш.

Берригача доакъашхоша лакха мах оттабир, иштта пайда луш, дукха хоам чубоагӀаш йола сесси дӀаяхьарах, из дӀахьош хинна къамаьл массане а дӀаэцаргдолаш вӀашагӀдолларах. Цига гулбеннарий  шоайла паргӀата къамаьл де таро хилар, гӀишлошъяра технологеш юкъейоалаяра даькъах. Цох пайда а ийцар.