«Тоадара балхаш дергда биъ урам тӀа. ГӀалгӀайчен гӀишлошъяра министерствос «Спецстрой-Климат» ООО яхача гӀишлон компанеца контракт чӀоагӀъяьй, 800 метр йӀаьха йола хин турбаш тоаергья, аьнна. Цу гӀулакха лаьрхӀа 2 миллион сом хьахьожадаьд. ХӀанз гӀишлошъеча компане деррига кийчон балхаш йистедаьхад, цу юкъе эшарг мел дола хӀама кийча да, хӀанз лаьттанцара болх дӀаболабеш ба уж. Цу даькъ тӀара болх йистебаргба, карарча шера оагӀой бетта. Керда чудилла хий 12 цӀенна тоъаш хургда. ХьатӀадоагӀача шера цу тайпара балхаш дӀахо дӀахьоргда. ГӀалгӀайчен гӀишлошъяра министерствос лаьрхӀад, Молочанске хицара балхаш йистедаха, бӀеха хиш дӀаахара йола станци кийчъе, урамашкара наькъаш тоаде», - аьлар тхога хоам баьчо. Белгалдоаккх, ГӀалгӀайчено Токмакски кхаленна новкъостал дар шийна хьатӀаийца хилар. Карарча шера бӀаьсти, вайцигара викалаш цига баха хилар, латташ дола хьал довзар духьа, цар белгалдир хьалхарча аргӀагӀа кхоачашде деза балхаш.