ГӀалгӀайчен УПЧ говзанчаша республикан ишколашка бокъон урокаш лу
24.12.2024 15:25
ГӀалгӀайчен, УПЧ аппарата говзанчаша йийлла урокаш дӀахьу, республикан йоккхагӀа йолча классашка деша дагӀача берашта лаьрхӀа. Цу лостамагӀара аргӀанара урокаш дӀайихьар Оздой Исроапила, Боранаькъан Марема, Шолжа кхален Эбарга-Юртарча №2 йолча ишколе, иштта Наьсарен №1 йолча юкъерча ишколе, яхаш, дийцар ГӀалгӀай Республикан УПЧ зарбан болх лелабераша.
Берашта довзийтар сага бокъонашца дувзаденна цхьадола гӀулакхаш, иштта РФ Конституци, ГӀалгӀай Республикан Конституци, йовзийтар сага бокъонех йолча юкъарча деклараце тексташ.
Урокаш дӀахьош, цар таро хилар шоашта бакъахьа хеташ дола хаттараш дала, царна доагӀаш дола жоп делар говзанчаша.
«Цу тайпара кхетаченаш лаьхӀа я кагирхой граждански сакхетам лакхбара», - аьлар ГӀалгӀайчен УПЧ.
