«Ханума» яха спектакль гойтар Наьсарерча дешархошта
«Ханума» спектакль гойташ хилар, Наьсарерча № 3 йолча ишколе. Паччахьалкхен драматически театра актёраш бар, культуран оагӏонцарча программага гӏолла, берий дог гӏоздаккха арабаьннараш. Галай Мурад режиссёр вола спектакль гӏалгӏай меттала оттаеш яр.
«Спектакль гойташ яр «Пушкина карта» яхача федеральни программага, «Дешархошта лаьрхӏа культура» яхача культуран-дешаран проектага гӏолла. Шахьарерча № 3 йолча ишкола бераш чӏоагӏа дог айденна дар цу гӏулакхах. Хозача гӏирсаца кийчбеннача актёрий дийнача къамаьлага ладувгӏаш баьгӏар уж, чӏоагӏа чам чубенна.
Хӏаьта из спектакль, дуккхача хана денз, массанена езаенна я», - дийцар «Сердалога» Паччахьалкхен драматически театро. Ишттача наькъаца деша дагӏача берий аьттув ба актёраш, цар кхоллам бовза. Берашта доккха совгӏат хулаш хӏама да, ишколе театр дар. Шоай къаман культура езалу царна цу оагӏонга гӏолла.
