«Россе кердача моттигашкарча кхоллама ишколашкарча 100 совгӀа волча болхлочо дакъа лаьцар «Культура, кхоанен сурт: Донбассерча, Новороссийскерча культуран оагӀонцарча болхлой говзал лакхъяр» яхача мехкашта юкъерча семинаре.

Культуре болх беш волча сага малагӀа уйла, нигат, лерхӀамаш хила деза дийцар вай мехкахочо семинар хьаеллаш», - йоах тхога бенача хоамо. «Таханарча вахаре культуран оагӀонцара болх дӀахьош вола саг чӀоагӀа ира хьаькъал долаш, дукха хӀама довза гӀерташ хила веза.

Дега тоам хулаш дӀабихьар аз таханара, къонача болхлошта керттердараш довзийташ, хьалхадоахаш бола болх. ХӀама довза, Ӏомаде ловш уж хилар - эггара лоархӀамегӀдар да цу балха юкъе», - дийцар «Концепт» яхача дешара моттига тренер волча Охценаькъан Ислама.

Белгалде деза, семинар вӀашагӀъеллараш «Эрсий оагӀув», АНО «Интеграци», АНО «Машук» дешара моттигаш йолга.