Бокъоний оагӏон комиссе кхетаче дакъа лаьцар Парламента спикера
Экономически политикахи, промышленностахи йолча РФ Федеральни Кхетачен бокъоний оагӏон комиссе вӏашагӏкхетаре дакъа лоацаш хилар вай мехкарча Халкъа Гуллама кулгалдеш вола Тӏумхой Мухьмад. Кхетаче дӏайихьар комиссен кулгалхочо, Ленинградски областа Бокъоний оагӏон спикера Бебенин Сергейс.
Парламента зарбан болх лелабераша белгалдечох, цига дийцар къайлагӏа цхьацца балхаш леладарах, вейпашцара болх соцабарах, инвестиционни оагӏонца дувзаденнараш тоадарах. Доакъашхоша дийцар, тӏехьарча шерашка экономически хьал айдалар къаьстта йолча шахьарашка цу оагӏонца дувзаденнараш хувцадалар долга.
Йоалацара, административни оагӏонцара болх дикка аттагӏа латт цига. Йоалацарча гӏулакхех йолча кодексе хувцамаш юкъедоаладара тӏехьа Россе Паччахьалкхенца бувзаме бала лаьрхӏар гулбеннараша. ТОР доакъашхошта Росси Вахара ганзаца дувзаденна аьттув лураш дӏадаьхде лерхӏ. Иштта комисси доакъашхоша дийцар дӏахо дӏабахьа безача балхах.
