«Южни» яхача коа тӀара оалхазараш леладеча моттига хьакимца кхетаче хилар мехкарча Парламента кулгалхочун
«Южни» яхача коа тӀара оалхазараш кхедеча моттига кулгалхочунца, Къоастой Адамца кхетаче дӀайихьар Халкъа Гуллама хьалха латтача ТӀумхой Мухьмада. ВӀашагӀкхетаре дийцар цигарча балхах, цу моттига хьал тоадарах.
«Парламента спикера белгалдир, «Южни» яха коа тӀарча оалхазарий моттиг республикерча экономикан хьал меттаоттадара тӀехьа лоархӀаме дакъа дӀалоацаш йолга. Цу оагӀон хьал тоадеш, болх боаггӀача боараме дӀагӀоргболаш эшаш дола гӀо де шоаш кийча болга хьалхадаьккхар спикера», - дийцар «Сердалога» Халкъа Гулламе.
Цу моттига кулгал деча Къоастой Адама дийцар шоай балхаца нийслуча цхьацца долча кхоачамбоацарех, уж юстардахара тӀехьа дӀабахьа безача балхах.
Белгалде деза, мехкарча хьакимаша бизнесменашца бувзам лоаттабеш, кхетаченаш дӀакхухьаш, эшар, доацар фуд тохкаш хиларо хӀама доаржадара моттига хьал тоаделга.
