Москверча хоржамий кхетаче дакъа лоацаш хилар вай спорта болхло
05.11.2024 09:29
Наьк дарах йолча Россе федерацен кхетаче дӀайихьар Москве. Вай республикера цига ваха хилар наьк дарах йолча моттигерча федерацен хьалха латта Малсаганаькъан Ӏамархан. Из хоам «Сердало» газетага бир спорта гӀулакхех йолча Министерствон зарбан болх лелабеча ГӀаппархой Аишас.
«Россе хицарча спорта федерацен Юкъарлон цхьанкхетара президент белгалваьккхар хоржамашка гӀолла, цун доалахьа хургда наьк дар, хи чу бургацах ловзар, лакхера хи чутувсабалар, цхьатарра маьженаш хьееш наьк дар яхараш санна дола оагӀонаш. Цу балха кулгал деш хургва ВФП Лакхерча тӀахьожама совета хьалха латта Мазепин Дмитрий», - дийцар тха газетага.
Белгалде деза, Россе хицарча спорта федераци хьаеш, хьалха къаьст-къаьста хинна массехк моттиг вӀашагӀтеха хилар.
