Бусалба наьха ловзарий яхьашка, котало яьккхар вай спортсмена
10.11.2025 19:06
Халкъашта юкъерча «Бусалба наьха ловзараш - 2025» яхача яхьашка, борза майдилг йоаккхаш, белгалваьлар Заьзгакъонгий-Юртарча спорта ишколо кхеваь дзюдоист Къоастой Джафар. Турнир хилар Саудовски Араве столице - Эр-Рияде.
«100 кг дозал дарашта юкъе ший низ гойташ хилар, бусалба мехкашкара эггара толашагIа бола спортсменаш гулбеннача яхьашка, вай мехкахо. Кхелахоша белгалвеш, лакха говзалца дIахьекхар цо ше. Коталонга кхача гIертилга гуш вар из», - дийцар «Сердалога» МагIалбика кхален администраце.
Къоастой Джафара баьккхача толамо дуккхача вай кагирхой дегаш ураоттадир. Ший коталонца цо дIахьекхар, къахьегамо саг лакхача лагIа тIа воаккхилга.
