«Баркинхой Адама яхьашка ший хьамсара мохк сий долаш гойтар. Уж дӀахьош яр укх деношка Орловски областе. Спортсмен къовсалуш вар 110 кг дозал долаш, из цун кхоалагӀа котало  я, къамашта юкъерча чемпионаташка», - аьлар хоамо.

Республикан паччахьалкхено белгалдир, спортсмен цу денца даькъалавувцаш хилар; иштта, цун дӀахо а дика толамаш даха аьттув хилар ловш, ловца а баьккхар.

Карарча хана, ГӀалгӀайчен кагирхошта юкъе цу тайпара спорт дегӀайоагӀаш я. Дешархоша а студенташа а дукхагӀа теркалдеш дола спорта тайпа да из, цига дукха низ беза. Тайп-тайпарча юрташка армрестлингах йола яхьаш дӀахьу.