Дунен яхьашка дакъа лаца кийчлуш ва вай мехкахо
![Дунен яхьашка дакъа лаца кийчлуш ва вай мехкахо](http://serdalo.ru/storage/maDgaY90jrctklKiksg2TmD6Ein6TPc7yDhqtCzL.jpg)
Иордане дӀахьоча эллиной-румий латарах йолча дунен яхьашка, дакъа лаца вахав «Ади Ахмад» яхача спорта клуба доакъашхо Къоастой Асланбек, спорта гӀулакхех йолча федерацен вице-президент а хьехамча а волча Хамхой Исламаца. Из хоам «Сердалога» бир физически культурахи спортахи йолча Министерствон болхлоша.
«Яхьаш дӀайолалу ди тӀакхачарга хьежаш, Аммане ва вай мехкахо. Лакха говзал гойта, котало яхьаш цӀенах кхета даькъалавувц из министерствос», - йоах хоамо.
Министерствонна хьалхалаттача Белхарой Руслана белгалдир, уж яхьаш дикка къахьегам эшаш йолга. Кийчо лакхача боараме йолаш ва вай спортсмен, дегӀ дизза денал а да, иштта хилча, коталонга кхача а хала дац.