ГӀалгӀайчен спортсменаш кийчлуш ба, каратэх йолча Россе Кубкага
ГӀалгӀайчен спортсменаш кийчлуш ба деррига тайпаш чулоацача каратэх йолча Россе Кубкага. Тренировкаш дӀайолайир Селий мехка аьтинга бетта 29 дийнахьа, яхаш, дийцар «Сердало» газетага ГӀалгӀай Республикан физически культуран, спорта Министерствон зарбан болх лелабеча ГӀаппархой Аишас.
«Массайолча оагӀорахьара кийчо еш хилар дувзаденна да начӀал долча каратистий, уж Анапе дӀахьоргйолча Россе Кубка, Ерригроссийски тӀема искусствай ловзарашка мехка вӀашгӀтехача тоабанна чубоагӀарашца хургболандаь. Тренировкай гулламашка дакъа лоацаш ба «Вайнах» спортивни клуба викалаш.
ГӀалгӀай Республикан ерригача стилех йолча каратэ Федераце президент, иштта ГӀалгӀай Республикан тӀема искусствай (РСБИ) Российски Союза кулгалхо волча Шовхаланаькъан Ӏаддал-Ӏазита хьехамца, спортсменаш керда техника Ӏомаеш ба», - аьлар тхога хоам баьчо.
