«ОЛИМПИЯ - ХӀ» яхача Европа Чемпионате котбаьлар вай спортсменаш
20.06.2024 09:15
Соче дӀайихьача пауэрлифтингах, иштта кхыдолча оагӀонех йолча йоккхача чемпионате белгалбаьлар вай мехкахой. Из хоам «Сердалога» бир спорта гӀулакхех йолча республикерча Министерствос.
«Котанаькъан Хьамзата Ӏомаваьча ялх спортсмена хьалхара моттигаш яьхар цига. Алгатанаькъан Бахьаудина (110 кг) борза майдилг яьккхар. 120 кг дозал дарашта юкъе белгалваьлар Тиймарзанаькъан Беслан», - йоах тхогарча хоамо.
Дошхьакхлой Рахьмана (75 кг) дошо майдилг яьккхар, иштта лакха говзал хьокхаш белгалваьлар Дзовранаькъан Амир (120 кг), Алгатанаькъан Амир (82 кг), Янданаькъан Саварбик (100 кг).