Вай спортсменаш селашкахьа хиннача Россе моттигашта юкъерча яхьашка котбаьлар
Махачкале дӀайихьача «Р. Гамзатова цӀерагӀча ДГПУ Кубка» эллиной-румий латарах йолча йийллача яхьашка вай мехкахоша кхо мейдилг яьккхар, царех шиъ дошо я, яхаш, дийцар «Сердало» газетага ГӏалгӀай Республикан спортивни латара Федераце.
«Цу яхьашка, спортивни даькъ тӀа шоаш Ӏомаяь говзал гойтар 9-14 шу даьннараша. ГӏалгӀай Республикан гулъяьча тоабан викалаш бар «Ади-Ахьмад» спортивни клубе Ӏомалураш. Цу тайпара, Мейренаькъан Мухьмада котало яьккхар, 35 кг дозал долаш. УмаевгӀар Руслана шоллагӀа дошув даьккхар 48 кг дозал дарашта юкъе, Мейренаькъан Ахьмада лаьрхӀар ший вешийна хьалхале йита, из 35 кг дозал долаш латаш вар, цу тайпара цо шоллагӀа моттиг яьккхар», - аьлар хоам бечо.
НачӀал дола спортсменаш накъабоахаш хилар клуба тренер Ӏарапханаькъан Ислам.
