Вайцигара спортсменаш хьежар, Кыргызстанерча латархочо луш болча говзанч-хьехамга
ГӀалгӀайчен МагӀалбике цӀихеза Кыргызстана спорта мастер Лазарев Айаала хилар говзанч-хьехам луш. Цига дакъа лоацаш хилар ший лоӀамагӀча латара профессиональни спортсменаш, яхаш, дийцар «Сердало» газетага спортивни латара федераце викалаша.
«Кхетаче дӀахьош, Керттерча Азера венача хьаьшо гойтар, дукха низ ца боабеш дӀахьош йола дика латара говзал. Иштта «ЛоӀамхо» яхача клуба доакъашхошта хайра, цо «2023 шера Азиатски ловзарашка» боарза майдилг мишта яьккхар; 2016, 2020 шерашка хиннача Олимпийски ловзарашка шозза дакъа лаца цун мишта вӀаштӀехьдаьлар.
Спорта говзанча яхачох, цун спортивни лагӀа тӀа дукха тайп-тайпара ханаш нийсъеннай. Лазарева яхачох ховш да, цу балха дукха сатем эшилга, цудухьа цо хьалхадаьккхар хургболча чемпионашта Ӏомабалар хьа ца ухаш цадитар, тешшаме хьалхашка латта халонаш тӀехьайитар», - аьлар тхога хоам баьчо.
