Панкратионах йолча чемпионате дакъа лоацаш ба вай спортсменаш
24.05.2024 10:28
СКФО чемпионате котало яккхарах, панкратионах йолча Россе яхьашка дакъа лоацаш ва лакха начӀал дола вай 10 спортсмен. Из хоам «Сердалога» бир республикерча спорта федераце зарбан болх лелабераша.
«Россе ерригача моттигашкара 350 латархо гуллургва цига. Вайцигарча тоабанна хьалхалаттар ва спортацарча латарах йолча федерацен вице-президент вола Гаьгенаькъан Башир», - дийцар тха газетага.
Барнаулерча яхьий доазон тӀа гуллургба спортсменаш.
