Гӏажарий-Юрта дӏайихьача яхье, дикка белгалбаьлар Долакха-Юртара спортсменаш
22.09.2025 15:17
Долакха-Юртарча берий-кагирхой спорта ишколе ӏомалуш бола спортсменаш дикка белгалбаьлар, Гӏажарий-Юрта дӏайихьача республикански яхье. Из хоам «Сердалога» бир берашта хьалха латтача Джандаранаькъан Микаила.
«Шин дийнахьа лаьттача яхьашка шоай говзал, начӏал дӏахьокхаш хиннараш 10 шергара 15 шерга кхаччалца бола спортсменаш бар. Ше-ше котвала гӏерташ бар кагирхой яхьашка», - йоах тхога бенача хоамо.
63 кг дозал дарашта юкъе котваьлар Дидиганаькъан Хьамзат. Хьалхарча моттиге эттар Буражанаькъан Джабраил 80 кг дозал дарашта юкъе.
Долакха-Юртарча ДЮСШ администраце доккха баркал оал спортсменашта, цар тренера иштта белгалбаларах, дӏахойодача хана а цу тайпара къахьегаш хилара тӏахьийхар цар уж.
