ГӏалгӀайчен спортсменаша дика толам баьккхар, тхэквондох йолча яхьашка
Ерригроссийски яхьаш дӀаяхьарахя, «Чемпион» яхача спортивни клуба совгӏатах, гӀалгӀай спортсменашта доккха совгӀат хилар. Уж дӀахьош яр Селий мехкарча Али Алиева цӀерагӀча спорта, кагирхой Каспийска ЦӏагӀа. Цига гулбелар Россе 24 моттигера дикагӀа бола атлеташ. ГӏалгӀайчен тоабо гойтар дика кийчо, иштта лакха толам а баьккхар - юкъара дӀалаьрхӀача ийс майдилг. ГӏалгӀайчен спортсменаша лакха спорта говзал гойтар, юхаваргвоаца оамал, лаьрхӀачунга кхача хьажар - из деррига чудоагӀаш дар латара толамашта.
Вай спортсменашта кхаьчар кхоъ дошо, кхоъ дото, кхоъ боарза совгӀаташ. Яхьашка котбаьлар МутаӀаланаькъан ӏаддал-Малик (37 кг), Овшанаькъан Мухьаммад-Амин (57 кг), иштта Хаьшанаькъан Мухьаммад (37 кг., зӀамагӀбарашта юкъе). Дото совгӀаташ даьхар цу яхьашка Хидиранаькъан Абубакра (61 кг), Цисканаькъан Мухьаммада (45 кг), МутаӀаланаькъан Мухьаммада (32 кг). Боарза совгӀаташ даьхарех вар Мержой ӏаддал-Малик (41 кг), Хуценаькъан Мухьаммад (37 кг), иштта Къамурзой Сайфулла (45 кг)», - аьлар «Сердало» газетага ГӏалгӀайчен физически спорта, культура Министерствос.
Яхьаш дика вӀашагӀъехка хиларах, турнира доакъашхой таро хилар таханарча заман спортивни даькъ тӀа шоай говзал дӀагойта. ГӏалгӀай къонача атлетий толам - из дика дӀабихьа кийчон болх ба, иштта республикан наха хьаллоацаш хилар, цар тренерий балха говзал лакха хилар а да. Уж ба Къамурзой Ахьмад, Меданаькъан Ахьмад, Хамхой Хьусен, Цисканаькъан ИбрахӀим, ПхьугӀой Хьасан, Къамурзой Илез, Гаьгенаькъан Мухьаммад, Къомурзой Хьамзат, Пхьарчанаькъан Саддам, иштта Къамурзой ӏаддулахӀ-Усама.
Ерригача Россе боарам тӀа цу тайпара толамаш дахаро чӀоагӀъю ГӏалгӀайчен спортивни кӀийле, иштта цо хьаелл кхыча яхьашка дакъа лацара йола таронаш. ГӏалгӀайчен къонача спортсмений кхы а дукха коталонаш яха моттигаш я хьалха.
