Дзюдох мехкашта юкъерча яхье, дакъа лоацаш хилар вай спортсменаш
Советски Союза турпал хиннача Висаитовгӏар В.С. хетаяь мехкашта юкъера дзюдох йола яхь хилар, нохчий мехкарча Шали яхача шахьаре. Боккхача тӏем тӏа Котало яьккха 80 шу дизарах йолча «КОТАЛО» яхача берий-кагирхой спортацарча яхьий Ерригача Россе фестивалаца дувзаденна дар таханара къовсамаш.
«Турнире гулбелар 2010- 2011-ча, 2012-2013-ча шерашка баь спортсменаш. Хӏаравар коталонга кхача гӏерташ вар цига. Хьалхара моттиг яьккхар Магӏалбикера спортсменаша: Галай Сулеймас, Берсинганаькъан Вахас, хӏаьта Даскенаькъан Мухьмад, Гетагӏазанаькъан Мухьмад, Йовлой Мухьмад кхоалагӏча лагӏа тӏа нийсбелар», - дийцар тха газетага Магӏалбика кхален администраце.
Шахьарерча спорта ишколерча тренераша дзюдоисташ дика кийчбаьлга хьагойтар цу къовсамаша. Кердача толамашка кхача гӏертара тӏехьа, къонабарий дегаш ураувттадеш хул цу тайпара яхьаш.
