Наькъашкарча кхерамзленах дийцар Шолжа-Шахьаре
2025-ча шера наькъашкара кхерамзлен хьал тоадара тӀехьа дӀабахьа безача балхах дийцар, Шолжа-Шахьаре дӀайихьача кхетаче. «Сердалога» из хоам бир мэре.
«ХӀара аргӀанарча кхетаче къоастаду машинашца, гӀаш леларий кхерамзлен хьал тоадара тӀехьа кхоачашде дезараш», - дийцар тха газетага. Россе МВД «Шолжа кхала» МО ОГИБДД хьалха латтача полице капитан волча Гатенаькъан А. дийцар, хан-ханнахьа рейдаш дӀакхухьаш шоаш беча балхах.
Иштта цо белгалдир цхьацца кхоачамбоацараш бахьан долаш гӀод тохарах (806 гӀулакх дар теркалдаьраш). Царна юкъе дар наькъашкара бокъонаш цалархӀар, кораш къайладоахаш йийтта плёнка Ӏояккхар, гӀод тохача моттиге машин дӀайигар.
Наькъашкарча хьалах йолча министерствон болхлоша дийцар шахьарерча наькъий гӀулакхах, уж тоадеш дӀахьоча балхах. Кхетаче теркалдир шахьарерча автобусашца дувзаденна кхоачамбоацараш. Уж юстардахара тӀехьа дӀабахьа безача балха къоастам бир цар.
