Кхыдола къамаш ловш цахилара зуламах, дувц республикан дешархошка
Дийша нах, МВД болхлой юкъе болаш; экстремизм яхача доккхача зуламах берашта дувцаш, кхетачеш дӀакхухь вай мехка. МагӀалбикерча №16 йолча ишколе «Интернетера кхераме онлайн-ловзараш» яхача темах къамаьл хилар йоккхагӀча классашкарча дешархошца. Из хоам «Сердалога» бир МВД викалаша.
«ВӀашагӀкхетаре дакъа лоацаш хилар МагӀалбикерча администраце кулгалхочун гӀонча вола Дзейтанаькъан А., маьждига имам Эсамарзанаькъан З., МВД МО ПДН «МагӀалбик» инспектор вола Хазанаькъан М. Боккхийчар берашта дийцар, интернете гӀолла нах харцача наькъ тӀа боахаш, зулам царна мерздеш багӀача бӀехача зуламхоех.
МВД болхлочо хьалхадаьккхар, интернета оагӀонашка цхьаккха тайпара наха юкъе гоамал, дов доаржадеш дола хӀамаш увттаде йиш йоацилга, цу хӀаманнна Ӏаьдало чӀоагӀа тӀахьожам лоаттабелга. Духхьала дешархой кхетам тувлабеш йола тоабаш я, интернете яьржа. Царех мишта лоравала веза дийцар дешархошка. Наркомани, терроризм, экстремизм яха доккхий зуламаш доаржаде, ма хулла дукхагӀа кагирхой цу юкъе чуозара тӀехьа къахьегаш тоабаш йолга хайра берашта.
