«Йоал – 2025» яхача студентий олимпиаде дакъа лоацаш ба ИнгГУ студенташ
«Йоал-2025» яхача Ерригача Россе студентий олимпиаде дакъа лаьца, «Йоал экономикаца бувзам болаш хилар» яхача оагӏонца котало яьккхар Гӏалгӏай паччахьалкхен университета экономикахи, доал дарахи йолча факультета студент волча Далганаькъан Мухьмада. Цу толамо хьагойтар Мухьмада йоалаца дувзаденнарашцара, макроэкономически оагӏонцара, къаман экономикацара кхетам лакха болга.
«Российски Федераце Паччахьалкхен рузкъан гӏулакхех йолча университете дӏаяхьа лерхӏача олимпиаде дакъа лаца вийхар Далганаькъан Мухьмад, цу толамга гӏолла. Берригача мехкара эггара чӏоагӏагӏа бола студенташ ба цига гуллургбараш», - дийцар «Сердалога» университето.
«Йоал-2025» яха олимпиада вай мехкарча лакхерча паччахьалкхен моттигаша хьаллоацаш дӏахьош я тахан. Цу юкъе я Росси Федеральни йоала моттиг; РФ ӏилман, лакхерча дешара министерство; РФ Рузкъан гӏулакхех йола университет; Москвера Ломоносов М.В. цӏерах йола паччахьалкхен университет, Россе МИДа халкъашта юкъерча гӏулакхех йола Москвера паччахьалкхен институт.
Кхоана экономист хинна къахьега волавала везача студента боккха толам, доккха дика да иштта лоархӏамеча олимпиаде дакъа лацар. Кердача толамашка кхача аьттув, низ хилба Далганаькъан Мухьмада!
