ИнгГУ студент котваьлар, латара говзалашца дувзаденнача Евразен ловзарашка
ГӀалгӀай паччахьалкхен университета студент котваьлар латарах йолча яхьий шин даькъ тӀа, уж дӀахьош дар Евразен латара VӀ ловзарий доазонашка. Из дика хоам «Сердало» газетага бир республикан лакхарча дешара зарбан болх лелабераша.
«Шиъ дошо мейдилг яьккхар ИнгГУ хьехархочун факультета 4-ча курсе дешаш волча Хамхой Ризвана, Уфе дӀадихьача Евразен VӀ-ча латара искусствай ловзарашка. Вай спортсмен дикагӀчарех хилар ший дозал дарашта юкъе массайолча каратех латара оагӀонашка, цо иштта яьккхар латарах Евразен Кубок», - аьлар тхоца къамаьл даьча паччахьалкхен университета викало.
Евразен латарах дола ловзараш дӀахьош гулвелар 4000 спортсмен, уж баьхкабар 50 Россе моттигашкара, Евразен даькъ тӀара, вайца машар болча мехкашкара.
Яхьаш дӀахьош яр цхьатарра 20 даькъ тӀа, цо таро хулийт спорт дикагӀа дегӀайоалае, къамашта юкъера бувзам чӀоагӀбе.
