Гӏалгӏайчера студент дакъа лоацаш ва, РГО къонача кулгалхой кхетаче
Алтай яха моттиг хержар географе ӏилмах, кулгалхоех болча кагирхой йоккха кхетаче дӏаяхьа - из я Эрсий географе юкъарлон кулгалхой гулбе белгалъяь моттиг. Из дика таро я ерригача Россерча къонача кулгалхошта шоайла дагабалара, балха говзал екъара.
Гӏалгӏай паччахьалкхен университета викал волаш ва цига студент Оздой Илез - РГО моттигерча отделене кагирхой центра кулгалхо. Къонача тохкамхочоа из дика таро я, РГО Гӏалгӏайчен отделенена карагӏдаьннар ерригача Россена дувца.
Доакъашхошка хьежаш я дика кийчъяь программа: РГО эксперташкара лекцеш, кагирхой болам дегӏабоалабара лоархӏаме сессеш, говзанча-хьехамаш, иштта шоайла бовзар», - аьлар «Сердало» газетага Гӏалгӏайчен керттерча вузе.
Гулламе баьхкар, лаьрхӏар кхоачашдара тӏехьа бола кагирхой, уж кийча ба шоашкара дакъа юкъеда географе ӏилма дегӏадоаладеча, иштта Россе ӏалама тӏехьален мах бараш лораде.
Массехк дийнахьа цар болх бергба проекташ тӏа, дувцаргда лоархӏаме дешаш, уж кхоачашдара керда наькъаш тохкаш.
Алтая моттигаш йӏаьхий я исторен, ӏалама хозален оагӏонашца, цар хьакхолл хьинаре болх бара дола хьалаш.
