Дзюдох йолча яхье котало яьккхар вай мехкарча студента
20.05.2025 11:18
Ерригача Россе, республикан, къамашта юкъера физкультуран, спорта кхетаченаш дӀакхахьара оттаяьча ЦаӀ йолча календарни плана тӀатайжа, ерригача Россе дзюдох йола яхьаш дӀайихьар Буро тӀа. ИнгГУ экономикахи доал дарахи йолча факультета хьалхарча курса студент волча Къоастой Омара 60 кг дозал дарашта юкъе котало яьккхар цига.
«Дошо майдилг яккхаро дзюдох йолча Россе Кубке, 21 шу даьннача ондаргашта юкъе дӀахьоча Россе яхьашка дакъа лаца аьттув лу студента», - белгалдир вузе, цу гӀулакха геттара раьза болаш.
