Россе Ӏилмани дешареи гӀулакхех йолча министерствон дешаш йолча тоабан Кхела юкъевахар вай мехкара студент
РФ дешареи Ӏилмани гӀулакхех йолча министерствон лакхарча дешара оагӀонцарча тоабан Кхела юкъевахар вай мехкарча паччахьалкхен университета студент Овшанаькъан Абубакр. Мехкарча лакхерча дешара, федеральни оагӀонцарча дешара политикан юкъера бувзам чӀоагӀбеш да из гӀулакх.
«Овшанаькъан Абубакр цу моттиге нийсвелар, университете дикка къахьегаш хиларах. Хьинар долаш хиларца, дикача оагӀорахьара ше дӀахьекхав цо. Кхыболча студенташта хоза масал да тахан цун баьнна аьттув. Массахана хьалха волаш, тайп-тайпарча кхетаченашка дакъа лоацаш, «Хьа аргӀа» яхача, университете йоаржаяь хиннача ерригача Россе проекте белгала волаш, къахьегара тӀера волга массанена бӀаргадайташ хьавенав из», - дийцар «Сердалога» университете.
Студентий лерхӀамаш хьаллоацаш, университета вахаре пайдане хургдараш доаржаде студенташта гӀо деш ба ИнгГУ.
Таханарча хана, кагирхой оагӀув хьаллацар, дикача хӀаман уж тӀахьехар, дикагӀдар царна хьалхадаккхар геттара лоархӀаме долга белгалду университете.
