Наькъашкарча кхерамзленах дийцар студенташта
Политехнически колледже дешаш болча студенташца кхетаче дӏахьош хилар госавтоинспекце болхлой. «Сердалога» из хоам бир МВД.
«Кхетаче гулбеннабар ГИБДД ветераний совета хьалха латта Гамботанаькъан А.Б., кагирхой гӏулакхех йолча комитета доакъашхой. Кхетаче дийцар тахан наькъашка хулача хатарех, къаьстта терко йир 18 шерга кхачанза бараш юкъе болаш нийслуча кхоачамбоацарашта», - йоах тхога бенача хоамо. Кагирхошта хьалхадаьккхар, машина ко лаца бокъо луш дола каьхаташ доацаш, машина тӏа хар чӏоагӏа харцахьа долга, цу оагӏонцара бокъонаш дика йовзаш, лоархӏаш хила везилга.
Иштта белгалдир, машин лоаллаш волча хана телефонаца къамаьл дар, цу чу хьежар цхьаккха тайпара мегаргдолаш хӏама доацилга, хӏана аьлча, бӏарг бӏаргногӏар тохача юкъа, хатар хьахила йиш я. Студенташца дийцар, наькъашкара бокъонаш лоархӏаш хилар хӏара сага лоархӏаме декхар долга. Белгалде деза, иштта йолча кхетаченаша наха юкъе боккха пайда боаржабелга.
