Кишев Мухьадина цӏерах йолча фестивале, белгалъяьлар вай мехкара студентка
Кишев Мухьадина цӏерах йола Ерригача Россе Xӏ, Халкъашта юкъера ӏӏ кхоллама фестиваль дӏахьош хилар Гӏаьбартой-Балкхарий Чегемски муниципальни кхалене. Начӏал долча къонабарий оагӏув хьаллоацаш йола из культуран йоккха кхетаче Российски исбахьален академе гӏо деш вӏашагӏъеллаяр. Лоархӏамеча кхоллама фестивале лакха начӏал гойташ белгалъяьлар вай мехкахо Гатагӏажанаькъан Раяна.
«Фестивала «Чегема хьаст» яхача яхьий программе 1 лауреата диплом делар Раянайна. Тӏахьожаш хиннараша лакха мах оттабир «Боарам боаца кхоллам» яхача оагӏонца цо гойтача балха», - дийцар «Сердалога» мехкарча Паччахьалкхен кхоллама колледже.
Белгалде деза, фестивале дакъа лаца из кийчъеш, цун хьехархочо Доврбиканаькъан Анжеликас а дикка къахьийгалга. Хьалхалаттарий къахьегам гуш бар йоккхача кхетаче лакхача говзалца дакъа лоацаш хиннача Раянай балхаца.