Вай мехкарча студенткас котало яьккхар «Чехов – бӀарчча дуне» яхача яхье
21.04.2025 10:58
ЦӀихезача йоазонхочун Чехов Антона хетаяьча яхьашка котало яьккхар МЧС колледжа студентка йолча вай мехкахочо Хьаьшанаькъан Рабияс. Из хоам «Сердалога» бир цу моттигера.
«Чехов Антона 165 шу дизара хетаяьча кхетаче дукха нах гулбеннабар. «Сурт» яхача оагӀонца вай мехкахочо баьча балха раьза хилар кхелахой», - йоах тхога бенача хоамо.
Колледжа кулгалхоша баркал оал иштта хоза белгалъяьнна котало яьккхача Рабияйна, иштта, кагирхошта нийса кхетам луш йолча цун куратора Вешкаранаькъан Хадишата а.
