«Хьога я аргӏа» яхача ерригача Россе проекте дикка гаьнаяьннай вай мехкара студентка
22.09.2025 15:16
2022-ча шера денз, « Хӏама хьадеш» яха ерригача Россе «Хьога я аргӏа» яхача проекта никъ ба мехка дӏахьош. «Цӏена къамаьл» яхача проектаца котало яьккхар укх шера ИнгГУ студентка йолча Албохчанаькъан Хадижас. Из хоам «Сердалога» бир университета зарбан болх лелабераша.
Яхьаш дӏайихьар онлайн оагӏонца, хӏаьта хӏанз, Ростове дӏаяхьа лерхӏача кхетаче ший проект лакхъеш къахьега дезаш я вай мехкахо. Россе масса миӏингашкара 1000 совгӏа адам гуллургда цига.
«Шоаша вӏашагӏъехка мехкара, бахача моттигашкара, муниципалитеташкара, университеташкара, итштта кхыйолча моттигашкара хьал тоадарах йола проекташ дикка йовзийташ, йоаржаеш, лакхъеш къахьега деза доакъашхой», - дийцар тха газетага керттерча вузе.
