Республикерча СКУИНТ студентка Москверча Хьалхарчар фестивале дакъа лоацаш яр
Шолжа-Шахьарерча доал дарахи кердача технологеехи йолча колледжа студентка йола ИбрагимовгӀар Седа Москве дӀайихьача «Халхарбарий болам» яхача фестивале дакъа лоацаш хилар. «Сердалога» из хоам бир цу колледжа болхлоша.
«Дунен 26 мехкара кагирхой гулбеннача йоккхача кхетаче дакъа лаца аьттув баьлар Седий. Йоккха терко йир гулбеннарашта «Росатома» - атомни кхоачамах йола 400 совгӀа моттиг вӀашкаозаш йолxа Россе Паччахьалкхен холдинго. Программан юкъе яр атомни урокаш, квантови технологеш, кхыметтел атомни оагӀонцара унахцӀенонца дувзаденнараш. Фестивале дӀайихьар лекцеш, кхоллама болхлошцара кхетаченаш, гойтама балхаш, иштта кхыдараш а», - дийцар тха газетага.
«Цу шин дийнахьа дукха нах, иштта кхыдола хӀамаш дайзар, дог ураотташ моттиг яр из. ХӀама вӀашагӀдолла, хьай низаца къахьегаш хила Ӏомавеш йола моттиг яр из», - дийцар студенткас.
