«Хьай мехкарча Ӏалама дуне довза» яха сурташцара яхьаш кхайкаяьй паччахьалкхен университете. Студентий цига хьокха деза лоаман моттигаш, шахьарашкара, юрташкара хозаленаш, Ӏалама хувцамаш гойташ дола сурташ.

«JPEG, PNG формате смартфонаца даьха, TӀFF боарамах 1000 пиксель зӀамагӀа дӀоахал доаца, иштта моллагӀча кхыдолча сурташ доахача гӀирсаца даьха балхаш да цига гойта дезараш. Укх бетта 15-ча денга кхаччалца латтаргья яхьаш. ТолашагӀа дола балхаш хьахержа, котбаьннараш дезача совгӀаташца белгалбергба оаха», - аьлар «Сердало» газетага университета зарбан болх лелабераша.

Мехкара хозал теркалъе, шоашта из мишта гу массанега дӀахьокха аьттув баргба студентий. Исбахьален оагӀонцара шоай кхетам шербе йиш хургья цар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде