ИнгГУ викалаша дакъа лаьцар, «КӀИЙЛЕ» яхача студентий ӏилман кхетаче
ГӏалгӀай паччахьалкхен университета студенташ дакъа лоацаш хилар «КӀИЙЛЕ» яхача студентий Ӏилман юкъарлон методически марафоне, из кийчъяьр Москвера М.В.Ломоносова цӀерагӀа паччахьалкхен университет я. Кхетаче дӀахьош яр онлайн-кепара, цо таро елар, Россе моттигашкара къона тохкамхой вӀашагӀтоха.
«Из дика аьттув ба, хьалхале лелаеча мехка студентий Ӏилман цхьанкхетара балха говзал екъача даькъе. Марафон дӀахьош лекцеш, говзанча хьехамаш дӀадихьар; иштта дешара, тохкама болх вӀашагӀболларца ювзаенна кийчо яра хаттараш дийцар», - аьлар «Сердало» газетага ИнгГУ.
ГӏалгӀай паччахьалкхен университета тоабо дика дӀайихьар методически марафон, цо гойтар марафона тӀеххьара дакъа дӀахьош шоай болх, из лоархӀаме юкъедена дакъа дар, вуза студентий Ӏилман юкъарло дегӀайоалаяра.
«КӀИЙЛЕ» яха методически марафон - из йоккха МГУ СНО дешара оагӀув я, из лаьрхӀа я студентий Ӏилма-тохкама оагӀув хьаллаца, вуза Ӏилман юкъарлон балха говзал лакхъе, кердадараш юкъекхувла, Ӏилман балха толамаш гойта.
