Анапе салоӀаш ба ИнгГУ студенташ
29.08.2025 11:57
Анаперча моттигашка салоӀаш ба укх шера, вай мехкарча университета студенташ. ЧӀоагӀа сакъердалуш из ха дӀаяхьа аьттув баьлар цар.
«Культуран оагӀонцара, спортацара кхетаченаш дӀакхухьаш салоӀ къонабараша. ХӀара дийнахьа цхьацца яхьашка дакъа лоацаш хул уж. Дикка низах чӀоагӀбала, ма хетта шоашта салоӀам бе, дукха хӀама довза йиш хул цар. Студентий вахар ма хулла диза хилийта гӀерташ, къахьег университете», - дийцар «Сердалога» цигара.
Дешара денош долалуш, низах чӀоагӀбенна болаш балха арабовргба къонабараш. ЦӀенача, форда тӀарча феца салоӀаш хинна, дукха нах байза, хьоашал тесса болаш дӀаболабергба цар шоай дешара никъ.
