Моттигерча толашагӀа болча профсоюзни болхлошта юкъебахар ИнгГУ студенташ
Мехкарча кагирхой цхьанкхетарий цӀагӀа, республикерча профсоюзий оагӀонца къахьегарашта лаьрхӀа, лоархӀаме ши кхетаче дӀайихьар – «ГӀалгӀай мехкара профсоюзий оагӀонцара къона къахьегамхо - 2025» яха яхьаш, республикерча профсоюзий балхах йолча Союзо вӀашагӀъелла къахьегама гӀулакхех йола семинар.
«Мехкарча Паччахьалкхен университета студентех латта тоаба белгала я цу оагӀонца. Цунна юкъе я ТӀумхой Хьава, Ахтемаранаькъан Марем, Бачаланаькъан Алина, Боголанаькъан Марина, Хьаьшанаькъан ИбрахӀим. Шоай болх боаггӀача боараме дӀахьош хиларах, кхоалагӀча моттиге эттар студенташ», - дийцар «Сердало» газетага университете.
Яхьашка дакъа лоацаш хиннараша; шоашта нийса хетар хьаоттадеш, профсоюзий оагӀонцара болх боаггӀача боараме дӀабахьа шоаш кийча болга хьахьокхаш; къахьийгар цига.
Къона, начӀал дола хьалхале лелаераш юкъе хиларо дикка тоаду из хӀама. Болхлой бокъонаш лораяра тӀехьа къахьегарал совгӀа, цу оагӀон хӀама доаржадеш латта кийча бар берригаш.
