Пастернак Бориса толашагӀа дола йоазош дагалаьцар ИнгГУ студенташа
28.02.2025 11:44
Пастернак Бориса 135 шу дузаш, цун толашагӀа дола йоазош дагалоацаш кхетаче дӀайихьар университета студенташа.
«ЦӀихезача байтанча хетаяь йоккха кхетаче вӀашагӀъеллар цига. Пастернак Борис мел говза байтанча хиннав гойташ, цун тайп-тайпара йоазош дагалоацаш, ха дӀайихьар студенташа», - йоах тхога бенача хоамо.
Хьажархой дӀадахача бӀаьшере чубугаш бола театра гойтам хьекхар филологически факультета студенташа. ИнгГУ студенташа белгалдир, Пастернак Бориса кхолламо, лакха начӀал долаш, массане дог ураоттадеш хиннилга.
Цун мел дола йоазош тахан а, лакха мах болаш, хӀаране дег чу дувшаш да.
