Магистрий диссертацеш чакхъяьхар ИнгГУ студенташа
05.03.2025 10:20
ЛоархӀаме кхетаче хилар Республикерча паччахьалкхен университете. «Паччахьалкхени муниципалитетаи доал дар» яхача оагӀонцара диссертацеш чакхйоаккхаш хилар экономикахи доал дарахи йолча факультета студенташ.
Из хоам «Сердалога» бир цу моттига зарбан болх лелабераша. «Магистрий балхаш шоаш дешаш, тайп-тайпара паччахьалкхен моттигаш йовзаш дӀабихьача къахьегамах латташ дар. Лакхача боараме чакхдаьккхар цар шоай гӀулакх.
ТӀахьожама болхлоша теркалдаьчох, лоархӀаме темаш харжарал совгӀа, из деррига боаггӀача боараме дашха аьттув баьннабар цар», - дийцар тха газетага. Экономикахи доал дарахи йолча факультета декана Мержо Мусас дика дешаш чакхбаларца даькъалабийцар студенташ.
