Шоашта фу карагӀдоал хьежар студенташ
Спорта, туризма, культуран Центре дӀахо дӀахьош я, республикан керттерча вуза 30 шу дизара хетаяь спортивни кхетаченаш. Магасе хилар, ГӀалгӀай паччахьалкхен университета хьалхарча курса студенташта юкъе, яйгача атлетиках йола яхьаш, яхаш, дийцар «Сердало» газетага из кхетаче вӀашагӀъеллараша.
«Цига дакъа лаьцар хургболча биологе, исторе, юриспруденце, экономикан, информатикан говзанчаша. Шоашта хьалхашка оттадаьча декхарах, доакъашхой бовда безаш хилар белгалъяьча моттиге кхаччалца.
Яхьашка вена хьаьша вар спортивни болхло, НГӀАССР студентий спорт оттача хана, лоархӀаме дакъа лаьца Мартазанаькъан Мухьмад.
Цул совгӀа, котбаьннарашта совгӀаташ луш хилар ИнгГУ физически кхетам балара кафедра доцент, СССР яйгача атлетиках спорта мастер йола Мархенаькъан Мадина, Центра кулгалхо», - йоах хоамо.
Белгалду, дӀахо цу тайпара кхетаче дӀаяхьа лерхӀ, Барта ГӀалан чухьа, 1784 метр адарах.
