ГӀалгӀайчен студенташа «Фу? Мичахьа? Маца?» яхача ловзара юкъе дакъа лаьцар
19.12.2024 16:52
«ГӀалгӀай паччахьалкхен университета студенташа шоай хьаькъал гойтар «Фу? Мичахьа? Маца?» яхача хьакъалерча ловзара юкъе», - яхаш, дийцар «Сердало» газетага цигарча зарбан болх лелабераша.
«Хургболча говзанчашта кийчъяь дика программа яр, из бахьан долаш студентий дешара говзал а гуш хилар. МаӀан кӀоарга дола чоалхане декхараш хьалхашка нийсденнадар аьнна доацаш, кагирхоша дукхагӀа дола декхараш кхоачашдир», - аьлар кепайоазоно.
Тхоца къамаьл даьчо яхачох, цу ловзарашка котъяьлар экономически факультета тоаба, шоллагӀа моттиг яьккхар юххьанцарча дешара, педагогика кафедра. КхоалагӀа моттиг яьккхар лораша, йиълагӀа моттиг филологашта кхаьчар.
