ГӀалгӀайчен студенташа могашал эшаеннача (ОВЗ) берашта дегагӀоз йир
ГӀалгӀай университета вахара кхерамзлен, географе кафедра хьехархоша, студенташа, Эрсий географически юкъарлонца цхьана «Берашта – географи» яха болам дӀабихьар. Уж бахар могашал эшаенна бераш долча, цига царца хӀама довзара йола кхетаче дӀаяхьа дага болаш.
«Болам дӀахьош, тайп-тайпара чулоацам бола лекцеш дӀайихьар. Берашта дезаргдолча оагӀорахьа вӀашагӀделла дар цига хинна къамаьл, царна цу юкъера хьаэца хӀама хургдолаш. Иштта студенташа говзанч-хьехам белар, бераш топпарах хӀамаш е Ӏомадеш. Укхаза бераш, топпарах хӀамаш е Ӏомадаларал совгӀа, сатеме хила а Ӏомалора, шоаш дӀадоладаьр дӀачакхдаккха гӀерташ а хулар. Цул совгӀа, тайп-тайпара хӀама довзийтара ловзараш, викторинаш дӀайихьар, цар таро хулийт берий теркам тӀаоза а иштта уж хӀама дикагӀа дагадоагӀаш хилийта а», - хоам бу «Сердало» газетага из болх вӀашагӀбеллараша. Эггара дог тохадолийташ хиннар дар студенташа, хӀара бер теркалдеш, яь йоакхо.
Царна мерзача хӀамай совгӀаташ даларал совгӀа, массайолча оагӀорахьара терко йир. Иштта шоашта лаьцача хозача гӀулакха бераш а чӀоагӀа раьза дар, царна цох доккха цӀай а хилар.
