Эколятай денна хетаяь кхетаче кийчйир студенташа
26.04.2024 11:18
Эколятай денна хетаяь кхетаче кийчйир Наьсарерча политехнически колледжа студенташа. Из хоам «Сердалога» бир цигарча къахьегамхоша: «Цу денна хетадаь тайп-тайпара Ӏалама хьал лорадарах, цун лерхӀам барах дола балхаш дӀадихьар къонабараша.
ЧӀоагӀа чам чубенна дакъа лаьцар цар «Вай доттагӀий - эколяташ Ӏалам лорадеш ба», «Вай доттагӀий - эколяташ» яхача суртий, кулгашца хьаеча цхьайолча хӀамай яхьашка.
Актови зале, шоай актёрски говзал гойташ, фаьлгашкара Шалун, Тихоня, цар доттагӀа Корсам хьекхар цар. Колледжа коа лостам баь зизаш дӀадегӀар студенташа.
ХьатӀадоагӀаш дола гӀалгӀай паччахьалкхен 100 шу дизар дагалаьца, маьлха хӀарака хьисапе дӀадегӀар зизаш, цу юкъе «ГӀалгӀайчен - 100 шу» язде йиш хургйолаш».
