«Шолжа-Шахьаре дезала парке дӀабихьар «Са кхерамза салоӀа денош» яха кхетам балара лаьрхӀа болам. Из дӀахьош хиннараш бар ГӀалгӀай Республике гӀолла йолча МЧС ГУ, ЦӀерца къовсам лоаттабу болхлой кийчбеча колледжа, Шолжа-Шахьара администраце ЧС, ГО отдела, «Эрше» яхача лахара-кӀалхарваккхара тоабан болхлой», - аьлар хьабайтача хоамо.

Кагирхоша гойтар кӀалхарваккхара лелаеш йолча къоанзолга малагӀа новкъостал ду, нагахьа санна саг хи чура араваьккхавале, цунна хьалхара новкъостал деш, пехкашкара хий арадаккхара фу де деза, иштта кхы дӀаходар.

Из болх дӀахьош хиннача говзанчаша гойтар, хи тӀа вахача нийсденна зулам, сага вахара унзара доацаш, мишта юстардаккха йиш я, цу даькъ тӀара таронаш малагӀаш я. Цул совгӀа, лаьрххӀа бола хьехам лу хоам дӀабийкъар, цу тӀа дувцар дӀайхача деношка цӀи ялара кхерамзлен Ӏалашо мишта е еза.

Уж лакхехьа белгалъяьха моттигаш лораяр, чӀоагӀа лоархӀаме да, наха ца хайча даргдоацаш а да.