Студенташа йовзийтар «ЦӀеша йиза 1992 шерара гуйре» яха пьеса
31.10.2024 12:08
Шолжа-Шахьара ЦӀерца къовсам лоаттабеча колледжа студенташа йовзийтар шоай хьамсарча дешара моттиге «Цӏеша йиза 1992 шерара гуйре» яха пьеса, яхаш, дийцар цига дакъа лоацаш хиннараша.
«Колледжа хьехархой, дешархой шоашта дайначох цецбаьннача бисар. Театральни гойтамга гӀолла, кагирхоша 1992 шера хинна Ӏазап дагадохийтар гулбеннарашта, боккхий нах а бераш а къоаста ца деш, тӀадена хинна из унзара хатар юха а дагаухар наха. Вай исторе хала оагӀонаш ювцаш, кхетачен доакъашхоша цу хатарах байнарашта маьл кхайкабир, уж дагабехар», - аьлар хоам баьчо.
Дала гешт долда царна!
