Вай студенташа шоашта ховр-довзар гойтар Москве
03.06.2024 16:33
ГӀалгӀай Республикан ЦӀерца къовсам лоаттабе Ӏомабеча колледжа студенташа, Москверча «Апаринки» яхача полигоне, хьалхарча халкъашта юкъерча Гран-при гойтар шоай балха говзал, яхаш, дийцар цу дешара моттига кулгалхочо.
«ЦӀерца къовсам лоаттаберий Денна хетаяь кхетаче дӀахьош хилар бахьан долаш, Россе дерригача мехкашкара хьинар дола студенташ гулбелар цига.
Шолжа-Шахьара ЦӀерца къовсам лоаттабе Ӏомабеча колледжа дешархоша Доврбиканаькъан Мухьмада, Чемборзанаькъан Микаила сий долаш гойтар цу кхетачене шоай хьамсара мохк. Деррига, чоалханерча хьалашца дувзаденна декхараш дика кхоачашдир цар», - аьлар хоам баьчо.
