Цунна чудоагӀаш дар Жӏайрахьа кхале «Бӏаьшерий боадонгара» яха Базорканаькъан Идриса цӀихезача романах оттаяь спектакль гойтар, аьлар «Сердало» газетага ГӏалгӀай республикан кагирхой политикан, туризма Министерствос.

«Хьалхара балха дакъа цар дӀадихьар Аьга-Кхала оалача гӏалгӀай ширача юрта. Гонахьарча гӀалаша, сий долча лоамаша дувцар кхы а чӀоагӀагӀа бакъ хилара тешал дора», - аьлар хоам баьраша.

Автораша лаьрхӀачох, дувцар хулаш йола ха яр малх чубузаш латтар.

Хӏара юхь ловзаечо ший декхар ма дарра кхоачашдир, цудухьа цига хьажа баьхкараш а раьза бар.

«Кагирхоша дӀабихьача балха хоалуш дар, театро наха юкъера барт чӀоагӀбеча, уж вӀашагӀтохача, культуран тӀехьале лораеча доккха дакъа лоацаш хилар», - аьлар кхетачен кулгалхочо Чахкенаькъан Ӏ.