Вай студенташ Ерригача Россе экономически диктант яздеча ба
15.10.2024 10:14
ГӀалгӀай паччахьалкхен университета, республикан юкъерча лаьрххӀача дешара студенташ дакъа лоацаш ба, Ерригача Россе экономически диктант яздеча. Из дӀахьоргда Россе 89 мехка, иштта кхыча паччахьалкхенашка, яхаш, дийцар «Сердало» газетага ИнгГУ студентий профкоме.
«Кхетаче кийчъяьй Россе лоӀамече экономически юкъарлон, ТАСС хоамий агентствон, Российски исторически юкъарлон низашца.
Из дӀахьош хилар бахьан долаш, наьха таро хургья «Экономика чӀоагӀа тоалуш латта Россе» яхача темах шоашта фу хов хьажа, хӀаьта из вӀашагӀъеллараша экономически дешар тоадара, наьха экономически кхетам совбаккхара де дезар тохкаргда», - йоах хоамо.
Белгалду, ГӀалгӀайчен берригача доакъашхоша регистраци йир dӀktant.org. сайта тӀа.
